Herman en Helen het aan die einde van 2017 in Stilbaai ontmoet. Te danke aan instagram het hulle in kontak gekom en uitgegaan vir 'n koffie-date. Die koffie, glo dit of nie, het vir nege ure aangehou. Die twee het binne nege ure mekaar se harte gesteel en koffie het vinnig verander in liefde.

​

Na twee jaar se boesemvriendskap, oorvloedige liefde en geluk het hulle op 21 Maart 2020 in die Drakensberge verloof geraak. Hulle het op 27 Februarie 2021 in die teenwoordigheid van die Here en hulle geliefdes in die huwelik getree en sien uit om dit saam met julle te vier!